Ushtria amerikane do t’i shesë Izraelit predha tankesh me vlerë 106.5 milion dollarë (mbi 98 milionë euro) pasi administrata e presidentit Joe Biden përdori autoritetin e saj të emergjencës, tha Pentagoni.
Kjo do të thotë se rreth 14 mijë predha tankesh do t’i shiten Izraelit pa shqyrtim nga Kongresi.
Shitja do të jetë nga inventari i ushtrisë dhe përbëhet nga 120 mm M830A1 me eksploziv të lartë antitank me shumë qëllime me fishekë tankesh gjurmues dhe pajisje të ngjashme, tha Pentagoni në një deklaratë.
Kjo erdhi pasi ShBA-ja vuri veton ndaj një rezolute të Kombeve të Bashkuara që bën thirrje për një armëpushim të menjëhershëm në Gaza, pavarësisht se propozimi u mbështet nga pothuajse të gjithë anëtarët e Këshillit të Sigurimit.
Nga 15 anëtarët e këshillit, 13 votuan pro rezolutës.
ShBA-ja ishte i vetmi vend që e bllokoi atë dhe Britania e Madhe abstenoi, raporton Sky News, transmeton Klankosova.tv.