Ministria e shëndetësisë e Gazës e udhëhequr nga Hamas pretendon se rreth 18,000 palestinezë janë vrarë që nga shpërthimi i luftës Izrael-Hamas pas sulmeve të 7 tetorit.
Ministria raportoi se 17,700 kanë vdekur dhe 48,780 janë plagosur pas sulmeve ajrore izraelite e operacioneve tokësore të Forcave të Mbrojtjes të Izraelit brenda enklavës.
Numrat nuk janë verifikuar dhe zyrtarët izraelitë kanë thënë vazhdimisht se besojnë se kjo shifër është shumë më e ulët, duke pretenduar se Hamasi po i fryn vlerësimet e ministrisë.
Policia Metropolitane deklaroi se ka arrestuar një person të dytë për mbajtjen e një pankarte fyese gjatë protestave pro-palestineze në Londër.
Marshimi filloi në Bank Junction në mesditën e sotme dhe përfundoi në Sheshin e Parlamentit, me një zonë përjashtimi që ndalon çdo protestues të mblidhet rreth ambasadës izraelite.
“Pjesa e përparme e marshimit pro-palestinez ka arritur tashmë në sheshin e Parlamentit ku do të mbahen fjalime. Një arrestim i mëtejshëm është bërë për një pankartë fyese. Janë krijuar kushte të tjera”, njoftuan uniformat blu.
Më parë, një burrë u arrestua pasi u identifikua me një pankartë që bën krahasime midis Izraelit dhe Gjermanisë naziste.Fushata e Solidaritetit të Palestinës deklaroi se ata vlerësojnë se mbi 100,000 njerëz morën pjesë në marshimin e sotëm, ndërsa Policia Met e vendos këtë numër afër 40,000.