Atalanta ka arritur të fitojë ditën e sotme në një sfidë fantastike ndaj Milanit me rezultatin 3-2.
Pjesa e parë përfundoi me shifrat 1-1. Të parët që kaluan në avantazh ishin bergamezët, ku në minutën e 38’ ishte Lookman i cili ndëshkoi Maignan. Pranë fundit të intervalit të parë, Giroud barazoi shifrat pas një goditje me kokë.
Në pjesën e dytë ishte pothuajse e njëjta histori. Atalanta kaloi në avantazh në minutën e 55’, ku Lookman ishte përsëri autori i golit. Milan gjeti sërish golin e barazimit në minutën e 80’ me Jovic, i freskët nga stoli.
Atëherë kur nuk pritej, një aksion model nga Atalanta, ka gjetur Muriel brenda zonës dhe në minutën e 95’ shënon një perlë duke shtangur kuqezinjtë e Piolit.
Me këtë rezultat, Milan renditet tashmë në vendin e tretë me 29 pikë, ndërsa Atalanta në vendin e tetë me 23 pikë.