Në numrin e vetëm për raste urgjente 112, dje është raportuar për fëmijët e humbur në pjesën e Vodnos së Mesme të cilët kanë dashur më shpejtë të mbërrijnë në qytet, por janë humbur, kumtoi Qendra për Menaxhim me Krizat. Menjëherë është njoftuar policia dhe pas një kohe relativisht të shkurtër fëmijët janë gjetur në gjendje të mirë shëndetësore dhe janë dërguar në shtëpitë e tyre në Shkup.
Sipas raportit 24 orësh të QMK-së, nga numri i përgjithshëm i 1.522 thirrjeve për raste urgjente në numrin 112 thirrje “reale” për raste urgjente ishin 33,84% ndërsa 66,16%, ishin si “thirrje jo urgjente”, që ishin për nevojat tjera të qytetarëve ose thjeshtë nuk ishin urgjente.
Sipas natyrës së ngjarjeve, përmes QMK-së 50,80% e thirrjeve në numrin e telefonit 112 janë bërë në polici, në Ndihmën e Shpejtë Mjekësore 37,97%, ndërsa te zjarrfikësit 7,49%.
QMK informon se edhe gjatë fundjavës ka pasur 25 zjarre në vend të hapur – të shtunën 21 dhe katër zjarre dje, në Manastir, Prilep, Krushevë dhe Kumanovë.