Njëmbëdhjetë alpinistë sot u gjetën të pajetë dhe dymbëdhjetë të tjerë ende mbeten të zhdukur pas shpërthimit të një vullkani në Indonezi. Ekipet e shpëtimit kërkuan gjatë gjithë natës për dhjetëra të bllokuar në malin Marapi, në ishullin Sumatra.
Viktimat gjendeshin pranë kraterit të Marapit, pasi vullkani 2.891 metra mbuloi me hi fshatrat e afërt, sipas një zyrtari indonezian, i përfshirë në operacione të shpëtimit.
Dymbëdhjetë persona u zhdukën, tre të tjerë u gjetën të gjallë dhe 49 kishin zbritur në mënyrë të sigurt nga krateri, disa me djegie e fraktura. Ne nuk mund të bëjmë një kërkim ajror me helikopter sepse shpërthimi po vazhdon. 120 persona janë përfshirë në kërkime.
Tre personat e mbijetuar që nuk kishin arritur dot të zbrisnin, u gjetën pranë kraterit, të dobët dhe me djegie. Zhafirah Zahrim Febrina, një nga alpinistet e shpëtuara, u shfaq në një video-mesazh duke i kërkuar ndihmë nënës së saj.
19-vjeçarja u dërgua në një spital bashkë me babanë e xhaxhain, pasi u bllokua në mal gjatë një udhëtimi me 18 shokë të shkollës. Nëna e saj, Rani Radelani deklaroi:
Ajo po kalon një traumë të jashtëzakonshme. Eshtë e prekur psikologjikisht sepse ka parë djegiet e gjithashtu është dashur të durojë dhimbjen gjithë natën.
Zëdhënësi i një agjencie indoneziane të shpëtimit, Jodi Haryawan, u shpreh se përpjekjet në terren ndërpriteshin nga shpërthime sporadike, por kërkimi ende vijon, pavarësisht rreziqeve.
Sapo kishte më shumë siguri, ata vazhduan kërkimin. Kështu që kërkimi nuk u ndal.
Shefi i Agjencisë për Zbutjen e Fatkeqësive të Sumatrës Perëndimore, Rudy Rinaldi, i tha AFP-së se disa nga alpinistët e shpëtuar kanë pësuar djegie.
Ata që janë lënduar ishin personat që shkuan më pranë kraterit.
Të paktën tetë persona pësuan djegie, një kishte djegie e një frakturë dhe një tjetër kishte një plagë në kokë, sipas një liste të atyre që u gjetën nga Basarnas, Agjencia Kombëtare e Kërkim-Shpëtimit.