Pasi u prezantua klipi i Bucit dhe Santianës gjatë spektaklit, të dy banorët e mohuan që kishte diçka mes tyre.
Pas gjithë kësaj, e dashura e Bucit i dërgoi atij fillimisht një audio mesazh, duke u shpjeguar që nuk donte të shkonte ta takonte.
Gjatë audios ajo shprehet e pakënaqur me veprimet e Bucit, duke i thënë: “Mos e harro veten kush je, mos harro për çfarë arsye ke hy, mos e harro që po të shohim.”
Buci pasi dëgjoi audion, u surprizua nga e dashura, që i hyri në shtëpi, gjatë lojës ngriva-shkriva.
Pas takimit të tyre me shumë përqafime, e dashura e Bucit, Verona, e ftoi atë në dhomën e sekreteve.
“Unë e di që këtu është lojë, unë vetëm po shpresoj që ti nu ke ke harru qëllimin kryesor që ke hy në Big Brother, dhe arsyen që je këtu.” – fillon rrëfimin Verona.
Buci i premtoi asaj që nuk do të veprojë më njësoj duke i thënë: “Nesër ke me u çuditë”.
“Jo, prej këtij momenti që e çelë derën” – ishte përgjigjja e prerë e Veronës.
Nga ana tjetër partneri i Santianës kishte refuzuar të dërgonte një mesazh për të.