Ministrja e Mbrojtjes, Sllavjanka Petrovska sot në Aeroportin Ndërkombëtar të Shkupit priti Sekretarin e Përgjithshëm të NATO-Aleancës, Jens Stoltenberg.
Mirë se erdhe në Maqedoninë e Veriut, një aleat i përkushtuar dhe i dëshmuar në Aleancë. Ne jemi të nderuar që takimi i përbashkët me liderët e Maqedonisë së Veriut dhe aleatëve, Shqipërisë, Kroacisë, Malit të Zi dhe Sllovenisë do të zhvillohet në kryeqytetin e vendit tonë. Kjo tregon se NATO e vlerëson rolin e Maqedonisë së Veriut si aleate dhe shtyllë e rëndësishme e stabilitetit në Ballkanin Perëndimor”, thotë ministrja pas mirëseardhjes së Sekretarit të Përgjithshëm të NATO-s.
Vizita e Sekretarit të Përgjithshëm të Aleancës, Stoltenberg në Maqedoninë e Veriut është në kuadër të vizitës së tij katërditore në Ballkanin Perëndimor.