Këshilli kishtar i Manastirit “Sveti Naum Ohridski” të Kodrës së Diellit kërkon që në prag të zgjedhjeve të mos mblidhen pikë politike përmes kryqit të vendosur.
“Në një vend kishe, është më e natyrshme të vendosësh një kryq. Kryqi i Kodrës së Diellit është vendosur me kërkesë të besimtarëve dhe sipas Ligjit të Ndërtimit nuk është objekt por pajisje urbane, e cila nuk ka nevojë për leje ndërtimi por vendim për vendosjen e tij.” tha për “Sloboden Peçat” përfaqësuesi i Këshillit kishtar të manastirit “Sveti Naum Ohridski” të Kodrës së Diellit Shapkës pas serisë së reagimeve për kryqin 15 metra të vendosur në oborrin e manastirit.
“Kryqi është simbol i besimit të krishterë dhe nuk duhet të jetë mollë sherri në shoqërinë tonë. Ligji duhet respektuar, por jo në mënyrë selektive. Sipas Ligjit të Ndërtimit, madje edhe për kontejnerin e mbeturinave duhet të kesh leje për ta vendosur, kjo nuk respektohet tek ne, jo vetëm në Kodrën e Diellit por edhe në qytete. Është praktikë, jo ligj, që shumica e atyre pajisjeve urbane vendosen pa zgjidhje vendosjeje. Nuk e di pse u bë kaq bujë për Kodrën e Diellit. Kryqi nuk është ngritur, si disa objekte të tjera, në tokë shtetërore, është ngritur në oborrin e manastirit” thotë arkitekti Bogosav Bozhinovski, i cili është edhe anëtar i këshillit kishtar të manastirit.