Zëvendëskryeministri për Çështje Evropiane, Bojan Mariçiqi sot ka takuar përfaqësuesin e posaçëm të sapoemëruar të Francës për Ballkanin Perëndimor, Rene Trokaz.
Zëvendëskryeminstri e ka njoftuar përfaqësuesin special Rene Trokaz në vizitën e tij të parë zyrtare në Maqedoninë e Veriut, me situatën aktuale, procesin e skriningut, reformat, me qëllim afrimin e vendit drejt anëtarësimit të plotë në BE.
Ashtu siç informojnë nga Sekretariati për Çështje Evropiane, bashkëbiseduesit ranë dakord se integrimi evropian është zgjidhja e vetme dhe optimale për vendin tonë.
“Me qëllim që të realizohet qëllimin ynë i përbashkët strategjik, anëtarësimi i plotë në Union, prania e Francës dhe zëri i Parisit janë jashtëzakonisht të rëndësishëm për Maqedoninë e Veriut, duke inkurajuar përshpejtimin e dinamikës së procesit negociues të shtetit, theksohet në komunikatën për shtyp nga SÇE-ja.
Ashtu siç theksohet në kumtesë, bashkëbiseduesit ranë dakord se Franca dhe Maqedoni e Veriut mbeten të përkushtuara për angazhim të përbashkët për realizimin e prespektivës evropiane të vendit tonë dhe ruajtjen e stabilitetit të Ballkanit Perëndimor dhe Evropës në tërësi.
Në takim ka marrë pjesë dhe ambasadori i Republikës së Francës, Siril Bomgartner dhe një përfaqsues nga Ministria e Punëve të Jashtme të Francës.