Kryetarja e Qytetit të Shkupit, Danela Arsovska, sot mori pjesë në eko-aksion së bashku me “Rotari Club Skopje Vodno” dhe NP “Parqe dhe gjelbërim” për mbjellje në park-pyllin Vodno. Në kuadër të këtij aksioni të përbashkët vjeshtor, më shumë se 100 pemë do të mbillen në disa lokacione në parkun pyjor me qëllim gjelbërimin, pyllëzimin dhe rritjen e stokut pyjor.
“Të gjitha veprimet e pyllëzimit janë më se të mirëseardhura në Shkup për të mbrojtur mjedisin, dhe mbjellja e pemëve dhe fidanëve të rinj, rregullimi i hapësirave të reja të parkut të gjelbër dhe korridoreve të gjelbërta është një nga prioritetet e programit “Për Shkupin modern”. të cilat në vazhdimësi po i zbatojmë aktivitetet për arritjen e këtyre qëllimeve. Është në zhvillim e sipër realizimi i aksionit të madh vjeshtor për mbjelljen dhe rregullimin e gjelbërimit të qytetit dhe ky aksion është në përputhje me angazhimet tona programore për ta bërë Mburojën e Gjelbër të Ujit të Shkupit”, thonë nga Qyteti i Shkupit.
Qyteti i Shkupit, shtojnë nga atje, vazhdimisht punon në mbrojtje, ruajtje, sjellje të qëndrueshme dhe të ndërgjegjshme ndaj bukurive natyrore të malit Vodno, me qëllim të përmirësimit të kujdesit të përgjithshëm ndaj malit.