Ministri i Transportit dhe Lidhjeve, Blagoj Boçvarski, nënshkroi marrëveshjen për implementimin e Sistemit të Transportit të Shpejtë me Autobus (BRT) në Shkup, në bashkëpunim MES Ministrisë së Transportit, Ministrisë së Financave dhe Qytetit të Shkupit. Siç informojnë nga Ministria për Transport, realizues i projektit është Qyteti i Shkupit, ndërsa mjetet në vlerë prej 70 milionë euro për realizimin e projektit janë siguruar nga Qeveria. Projekti përfshin ndërtimin e dy terminaleve të rinj, qendrat e transportit, sigurimin e trafikut të pandërprerë të autobusëve, si dhe blerjen e autobusëve të rinj ekologjikë. Sistemi i ri është planifikuar të ketë dy linja që do të lidhin qytetin përgjatë vijës lindje-perëndim, e para nga Gjorçe Petrov në Lisiçe të Re dhe linja e dytë veri-jug, nga Buteli në Pintija, dhe të dy linjat do të taskohen në qendër të qytetit.
