Ministria e Shëndetësisë e Gazës mohoi pretendimet izraelite se Hamasi përdor një autoambulancë për të transportuar armë, pasi Tel Avivi shënjestroi një autokolonë ambulancash në një sulm ajror që vrau 13 persona, raporton Anadolu.
“Okupuesi izraelit përpiqet të shmangë përgjegjësinë dhe të fajësojë palestinezët si zakonisht”, tha zëdhënësi Ashraf al-Qudra.
Avionët luftarakë izraelitë goditën dy autoambulanca në qytetin e Gazës. Ushtria izraelite tha se anëtarët e Hamasit u identifikuan duke përdorur një ambulancë për të transportuar armë.
Ushtria izraelite ka zgjeruar sulmet e saj ajrore dhe tokësore në Rripin e Gazës, enklavë e cila ka qenë nën sulme të pamëshirshme ajrore që nga ofensiva e befasishme e Hamasit më 7 tetor.
Pothuajse 10.800 njerëz janë vrarë në konflikt, duke përfshirë të paktën 9.240 palestinezë dhe më shumë se 1.538 izraelitë.