Kryetarja e qytetit të Shkupit, Danela Arsovska sot iu drejtua Këshillit të Evropës në Strasburg, Francë në Kongresin e autoriteteve lokale dhe rajonale në rolin e kryetarit të Forumit të kryetarëve të komunave pranë Kombeve të Bashkuara, së bashku me kryetarin e sapozgjedhur të Kongresit të autoriteteve lokale dhe rajonale të Këshillit të Evropës Mark Kulls dhe Matie Mori, sekretari i përgjithshëm i Kongresit. Njëkohësisht morën edhe një mirënjohje ndërkombëtare për përkushtimin dhe punën për realizimin e projekteve në interes të qytetarëve.
Me propozim të kryesisë së Partisë Popullore Evropiane në Kongresin EPP European People’s Party, Arsovska u zgjodh njëzëri nënkryetare e Partisë Popullore Evropiane për autoritetet lokale, ndërsa kryetar i Partisë Popullore Evropiane për autoritete lokale u zgjodh Anders Knape.
“Kryetar i Forumit të kryetarëve të komunave të Kombeve të Bashkuara UN Forum of Mayors dhe anëtar i Këshillit Drejtues të Parlamentit global të kryetarëve të komunave, në nëntor do të kem nderin që Shkupi të jetë nikoqir i mbi 100 kryetarëve të komunave nga ShBA-ja, Evropa, Azia, Lindja e Mesme, Afrika dhe ku përmes një platforme nisin projekte të përbashkëta për tejkalimin e sfidave me të cilat përballen vetëqeverisjet lokale, veçanërisht përmes bashkëpunimit për kujdesin ndaj të gjithë qytetarëve, inkluzivitetin, qëndrueshmërinë dhe infrastrukturën.”
