Me vendim të Qytetit të Shkupit, ekipet e NP “Parqe dhe gjelbërime” filluan aksionin për mbjelljen e fidaneve të reja kudo që janë prerë dhe hequr në vitet e kaluara. Siç njofton Qyteti i Shkupit, aktivitetet për krasitjen dhe mirëmbajtjen e gjelbërimit të qytetit vazhdojnë intensivisht dhe në vazhdimësi në të gjitha pjesët e kryeqytetit.
Kryetarja e Shkupit, Danela Arsovska, ka paralajmëruar një fushatë të madhe për rregullimin e gjelbërimit të qytetit, në të cilën do të mbillen fidane të reja në mbi 100 lokacione në qytet.
Siç njoftojnë nga Qyteti i Shkupit, në aksion hiqen pemët dhe fidanët e vjetër dhe të tharë dhe në vend të tyre mbillen të reja. Njëkohësisht në të gjitha pjesët e Shkupit ka filluar një aksion krasitjeje, i cili mundëson lëvizjen e papenguar të këmbësorëve dhe çiklistëve nëpër shtigje, parandalon rënien e degëve të thata dhe siguron shikueshmëri më të madhe të sinjalistikës në komunikacion, duke rritur kështu sigurinë në të gjithë rrugët.
