Tre punëtorë sezonalë nga Kosova po akuzohen se kanë sulmuar seksualisht një grua nga Skandinavia pas punës në Val Gardena të Italisë veriore.
E ngjarja është dokumentuar në disa incizime të kamerave të vëzhgimit. Për njërin nga të akuzuarit gjithashtu thuhet se kamerat e kanë kapur aktin e dhunshëm në një video.
Gjyqi do të fillojë të hënën e ardhshme. Tre punëtorët nga Kosova janë meshkuj të moshës 21, 26 dhe 27 vjeçare, raporton Rainews.
Ngjarja ka ndodhur natën e 18-19 janarit në Val Gardena. Të tre burrat takuan viktimën në një klub nate në Val Gardena.
Më pas turistja hipi në një automjet me ta. Aty ka ndodhur sulmi i parë nga njëri prej tre burrave. Në hotelin ku jetonte njëri nga tre, dy të tjerët mësohet se kanë dhunuar gruan. Burri i parë që e përdhunoi më pas dyshohet se ka kryer sërish dhunë ndaj saj në makinë gjatë kthimit.
Përndryshe, nga e hëna rreth 100 dëshmitarë do të dalin përpara gjykatës rajonale të Bolzanos. Ata supozohet të dëshmojnë në gjyqin për këtë rast.