Gjashtëdhjetë e tre përqind e të rriturve amerikan pajtohen se partia republikane dhe ajo demokratike nuk bëjnë një punë të mirë në përfaqësimin e qytetarëve amerikan dhe kjo gjë ka rritur mbështetjen për krijimin e një partie të tretë. Kjo rritje është 6% më shumë se që ishte vitin e kaluar dhe është përqindja më e lartë që nga viti 2003 kur Gallup bëri këtë pyetje për herë të parë
Gjatë dy dekadave të fundit, shumica e amerikanëve janë pajtuar se nevojitet një parti e tretë. Hera e fundit kur ata nuk mendonin ashtu ishte në vitin 2012. Gallup ka gjetur se nga viti 2003 deri në 2006 më pak amerikan kërkonin një parti të tretë ndërsa që nga sondazhet e vitit 2006 e 2008 kjo përqindje ka shkuar duke u rritur.
Të dhënat e fundit nga sondazhi vjetor për qeverisje nga Gallup i zhvilluar nga 1-23 shtator 2023 ka gjetur se dyja partitë amerikane nuk shihen me sy të mirë nga publiku amerikan dhe kjo ka qenë kështu vazhdimisht gjatë këtyre dy dekadave, raporton Gallup.
75% e votuesve të pavarur përkrahën krijimin e një partie të tretë, 58% e republikanëve ishin gjithashtu pro ndërsa tek demokratët ky numër ishte 46%.