Çdokush është i mirëseardhur në frontin e përgjithshëm europian për përparim të shtetit, këtë e tha mes tjerash ministri i Punëve të Brendshme, njëherë edhe nënkryetar i LSDM-së, Oliver Spasovski, përcjell TV21. Spasovski thotë se në mbledhjen e fundit në parti nuk është folur për kandidat për president dhe se si rrjedhojë demantoi që ka pasur mosmarrëveshje në lidhje me kandidatin potencial të LSDM-së për president.
“Nuk mund të bëhet fjalë për asnjë konflikt, siç janë zgjedhjet presidenciale për shkak se nuk është hapur ajo çështje, nuk është folur ende në parti. Kur të vijë momenti do të flasim dhe përmes dialogut do të vërtetohet ajo që është më mirë. Për ne çka është me rëndësi? Me rëndësi është që Fronti Europian, ky opsion që ofron siguri për qytetarët, të fitojë besimin e qytetarëve”, tha mes tjerash Spasovski.