Kryetarja e qytetit të Shkupit Danella Arsovska si dhe përfaqësues tjerë nga qyteti i Shkupit sot ndanë medaljet për pjesëmarrësit më të suksesshëm në klasifikimin e përgjithshëm të Maratonës së Shkupit në konkurrencë për meshkuj dhe femra, si dhe për garuesit më të mirë maqedonas.
Fituesi i edicionit të 19-të të Maratonës së Shkupit, ku morën pjesë më shumë se 11 mijë pjesëmarrës, është Victor Kiplagat nga Kenia. Në vendin e dytë është bashkatdhetari i tij Cheriot Laban, ndërsa vendin e tretë e ka fituar Dario Ivanovski nga Maqedonia. Në garën e femrave më e mira ishte Ruth Mathebo nga Kenia, përpara Mercy Kipkemoi dhe Marija Vrajic.
Qyteti i Shkupit është krenar që pret Maratonën e Shkupit, një nga ngjarjet më të preferuara sportive, për të 19-tën herë. Qyteti i Shkupit është përkrahës i këtij evenimenti madhor sportiv që promovon Shkupin dhe Maqedoninë si destinacion sportiv dhe turistik, si dhe ofron mbështetje logjistike nga ndërmarrjet publike të qytetit për mbajtjen me sukses të tij, theksojnë nga Qyteti i Shkupit.
