Izraeli dhe Arabia Saudite thuhet se janë shumë pranë një marrëveshjeje, pavarësisht përplasjeve, tha Mohammed bin Salman në një intervistë për Fox News. Një marrëveshje mes dy fuqive do të nënkuptonte një ndryshim të madh rajonal.
Në një intervistë të rrallë, princi i kurorës i Arabisë Saudite theksoi se çështja palestineze mbetet një pjesë “shumë e rëndësishme” e bisedimeve të ndërmjetësuara nga SHBA.
Si pjesë e procesit të negociatave, Wall Street Journal raportoi se zyrtarët izraelitë dhe amerikanë po punonin për një plan që mund të lejonte Riad të pasurojë uranium.
Uraniumi i pasuruar mund të përdoret për të prodhuar lëndë djegëse për reaktorin bërthamor, si dhe për armë bërthamore.
Zyra e kryeministrit izraelit Benjamin Netanyahu, i cili ka paralajmëruar më parë për rreziqet e një gare të armëve bërthamore në Lindjen e Mesme, nuk i është përgjigjur publikisht raportit të wSJ.
Intervista e Fox News u transmetua menjëherë pasi Netanyahu dhe Presidenti i SHBA Joe Biden u takuan në margjinat e Asamblesë së Përgjithshme të OKB-së në Nju Jork.