Kuvendi i Maqedonisë së Veriut me 82 vota “për” ka sjellë vendim për formimin e komisionit anketues, pas skandalit me ilaçet në Klinikën e Onkologjisë.
Propozimi u dorëzua nga deputetët e OBRM-PDUKM-së, përcjell Telegrafi Maqedoni.
Komisioni hetimor, siç u theksua në seancë, duhet të përcaktojë nëse të drejtat elementare njerëzore të pacientëve që trajtoheshin në Repartin e Onkologjisë kërcënoheshin nga ai skandal pas daljes jashtë përdorimit të sistemit KATO për përgatitjen e citostatikëve si dhe të bëjë një analizë për të përcaktuar përgjegjësinë politike.
Vendimin e kanë përkrahur edhe deputetët e LSDM-së, ndërsa deputeti Nenad Kociq ka thënë se nëse ka pasur keqpërdorime duhet të publikohen me emër dhe mbiemër./Telegrafi/