Shkencëtarët kohët e fundit ringjallën krimbat mikroskopikë që ishin ngrirë për 46,000 vjet në Siberi. Krimbat janë në gjendje të “mbyllin” trupat në kushte të jashtme të papërshtatshme për të mbijetuar. A është e mundur kjo për njerëzit?
Një ekspert i krionikës thekson se ka dallime në ngrirjen e njerëzve dhe kafshëve, por zhvillimi i teknologjisë mund të bëjë të mundur ringjalljen e trupave të ngrirë të njeriut në 50-70 vjet. Siç shpjegon Valeria Udalova, CEO e kompanisë ruse Kryo Rus, trupi i njeriut ndoshta nuk mund të ndryshohet për të qenë në gjendje të “fiket” si ai i krimbave, kështu që do të ishte më e lehtë të bëhej një trup i ri artificial.
Kompania ruan 94 trupa njerëzish të ngrirë në bazën e saj në Moskë. Kirurgët kullojnë gjakun nga trupat përpara se t’i lidhin me një makinë qarkullimi që ruan qelizat dhe indet. Procedura e ngrirjes rekomandohet të fillojë menjëherë pas vdekjes. Trupat janë ngrirë në një temperaturë prej -160 gradë Celsius.
Që këto trupa të ringjallen, nevojiten përparime të rëndësishme në mjekësi dhe teknologji, dhe kjo mund të ndodhë në 50-70 vitet e ardhshme, sipas Udalova. Tani për tani, vetëm një numër i vogël i kompanive dhe organizatave janë duke punuar në teknologji të tilla.
Por nëse ka sukses, procesi mund të jetë “një alternativë ndaj vdekjes”, sipas João Pedro de Magalaes, një mikrobiolog portugez.
– Pacientët me sëmundje terminale, përfshirë fëmijët, mund të zgjedhin të ngrihen derisa të gjendet një kurë – theksoi Magalaes.