Policia gjatë ditës së djeshme ka arrestuar tre persona nga Gostivari pasi të njëjtit ishin raportuar se kishin xhiruar në Shkup me dron, pa leje paraprake, përcjell TV21. Nga MPB thonë se droni është gjetur në veturën me të cilën po transportoheshin personat në fjalë.
“Me datë 09.09.2023 në ora 17:15 mbi fshatin “Uji i Kuq”, Shkup, zyrtarë policorë kanë privuar nga liria A.I. (49), G.V. (48) dhe L.B. (50), të gjithë nga Gostivari, që po lëviznin me automjet “Toyota Land Cruiser” me targa të Gostivari, duke vepruar sipas kallëzimit, sipas të cilit, ata me dronin që u gjet tek ta, po filmonin në mënyrë të paligjshme në “Solunska Glava”. Personat i janë dorëzuar policëve në stacionin policorë të Draçevës”, thonë nga MPB./tv21.tv