Djathi i kaltër Cablares nga veriu i Spanjës “fitoi” titullin e djathit më të shtrenjtë në botë, pasi një rrotë 2.2 kilogramësh u shit në një ankand për 30 mijë euro, shkruan portali Independent.
“Ne e dinim se kishim një djathë të mirë, por gjithashtu se ishte shumë e vështirë për të fituar,” i tha EFE, agjencisë shtetërore të lajmeve të Spanjës, Guillermo Pendas, i cili e bëri atë për fabrikën e familjes së tij në Los Puertos.
Ai shpjegoi se djathi maturohej në një shpellë në lartësinë 1400 metra mbi nivelin e detit, në temperaturën 7 gradë, ku kaloi “minimumi tetë muaj”.
Çmimi i rregullt i këtij djathi është rreth 35 deri në 40 euro për kilogram. Djathi bëhet me ndihmën e qumështit të papërpunuar të lopës ose nga përzierja e qumështit të lopës, deles dhe dhisë dhe piqet në një shpellë.
Djathi i mëparshëm më i shtrenjtë u shit për 20,500 euro në vitin 2019, i blerë edhe nga restoranti që bleu edhe djathin Cablares.