Kryetari i Komunës Qendër Goran Gerasimovski dhe Prof. Dr. Gligor Tofoski,
kryetar i Shoqatës së Gjinekologëve dhe Obstetërve Maqedonas – MAGO, do të fillojë një fushatë të përbashkët me qëllim të ngritjes së vetëdijes për rëndësinë e ekzaminimeve të rregullta parandaluese dhe zvogëlimit të rrezikut nga sëmundjet malinje, veçanërisht tek gratë e margjinalizuara.
Paneli i parë është planifikuar të mbahet më 20 shtator dhe do të fokusohet në sëmundjet e rralla malinje gjinekologjike, mbrojtjen nga sëmundjet seksualisht të transmetueshme dhe rëndësinë e vaksinimit për infeksionin me virusin HPV.
Në kuadër të Memorandumit të Bashkëpunimit është paraparë realizimi i fushatave publike, takimeve të ekspertëve, punëtorive edukative dhe aktiviteteve të tjera që kanë për qëllim promovimin, mbrojtjen dhe përmirësimin e shëndetit riprodhues dhe seksual. Këshillat edukative do t’i drejtohen gjithashtu popullatës së re përmes përdorimit të kontraceptivëve modernë dhe planifikimit të sigurt të shtatzënisë, si dhe të drejtave për mbrojtje dhe kujdes adekuat për viktimat e dhunës seksuale.