Partitë opozitare shqiptare kanë kritikuar pushtetin për problemet e shumta me të cilat përballet sistemi arsimor në vend dhe që sot në ditën e parë të vitit shkollor, vihen re mungesat e mëdha.
Nga Lëvizja Besa përmes një reagimi me shkrim thanë se “krimi i këtij pushteti nuk mbetet vetëm në tenderët, por sa shkon rritet edhe në përmasa më të mëdha. Kjo më së miri dëshmohet sot, kur fillon viti i ri shkollor dhe nxënësit, sidomos të klasave të 3-ta dhe të 5-ta nuk kanë libra”.
Kryetari i Alternativës, Afrim Gashi, në Facebook shkroi se edhe ky vit shkollor po fillon me problemet e vjetra, mungesë të librave e mungesë të kujdesit nga shteti, por uroi që pengesat të kalohen së shpejti. Paraprakisht me reagim ka dalë edhe Lëvizja Demokratike, nga ku thanë se viti i ri shkollor po nis me një varg problemesh të vjetra.