127 m i gjatë, i dyti më i madh në botë
Një prej jahteve më të mëdhenj me vela në botë, “Koru” është ndalur mëngjesin e sotëm në Portin e Durrësit.
Jahti me gjatësi 127 metra dhe që mban flamurin e Ishujve Kajman thuhet se është në pronësi të miliarderit amerikan Jeff Bezos.
Autoriteti Portual në Durrës tha se jahti po qëndron në kalatën 4 për të kryer disa shërbime dhe më pas do të vijojë lundrimin drejt Italisë.
Me një vlerë prej 500 milion dollarësh, prodhim i vitit 2023, ai është jahti i dytë më i madh me vela në botë.
Sipas autoriteteve 257 jahte të mëdha turistike dhe 21 kroçiera janë ndalur gjatë këtij sezoni në Portin e Durrësit.
/tvklan