Drejtuesit e klubit saudit të futbollit Al Ittihad janë të gatshëm t’i paguajnë Premierligës Liverpool 150 milionë euro për shërbimet e përfaqësuesit egjiptian Mohamed Salah, raportojnë sot mediat britanike.
Salah dëshiron të vazhdojë karrierën e tij në Arabinë Saudite, por drejtuesit e Liverpool-it kanë mohuar vazhdimisht se planifikojnë të shesin futbollistin egjiptian.
Burime pranë negociatave pohojnë se Al Ittihad është gati t’i paguajë Liverpoolit një shumë të garantuar prej 108 milionë eurosh dhe klubi anglez mund të marrë 54 milionë euro të tjera përmes bonuseve shtesë. Salah (31) erdhi në Liverpool në vitin 2017 nga Roma dhe ka luajtur 307 ndeshje për klubin anglez, duke shënuar 187 gola.