Francesco Acerbi do të vijojë të mungojë për Interin, të paktën edhe këtë fundjavë, kur zikaltrit të përballen me Fiorentinën në “San Siro”, sfidë e planifikuar për t’u luajtur të dielën në orën 18:30.
Lajmin e ka konfirmuar vetë Acerbi, që i pyetur nga tifozët në hyrje të qendrës stërvitore të Interit, deklaroi se nuk do të luajë ndaj Fiorentinës, por maksimumi mund të ulet në stol.
Mbrojtësi veteran italian u dëmtua pak ditë para nisjes së kampionatit dhe nuk ka mundur të vihet në dispozicion të Inzaghit për dy ndeshjet e para të sezonit, megjithatë mungesa e tij nuk është ndjerë, pasi zikaltrit nuk kanë pësuar asnjë gol ende.
Synimi i Acerbit është të rikuperohet për derbin e 16 shtatorit ndaj Milanit, teksa deri atëherë i takon holandezit De Vrij të marrë masat për të udhëhequr prapavijën.
/topchannel