Për ta parë duke luajtur një super lojtar si Lionel Messin të debutojë në arenën e New York, mund të kushtojë sa një darkë në një restorant të famshëm të këtij vendi.
Messi të shtunën e shënon ndeshjen e parë në kampionatin e rregullt në Major League Soccer, dhe kërkesat për ta parë ka bërë që biletat të kushtojnë 1,000 për qind më shtrenjtë sesa janë zakonisht për New York Bulls.
Çmimi mesatar i një bilete po kushton 483 dollarë. Kjo është shumë më shumë, pasi më herët kushtonte 46 dollarë, shkruan CNN.
Biletat për këtë ndeshje po sillen nga 3,600 dollarë në rreshtin e parë, teksa ka edhe vende të lira, që kushtojnë nga 345 dollarë.
Për New York Bulls, paraqitja e Messit po i bën mirë, pasi po shet biletat më të shtrenjta në një dekadë.
Çmimet për ndeshjet e MLS ku luan Messi janë rritur shumë, që nga koha kur 36-vjeçari shkoi në kontinentin amerikan. Por, ai ka qenë në formë të mirë që nga arritja e tij.
Vikendin e kaluar, ai e ndihmoi Inter Miamin ta fitojë Ligën e Kupës për herë të parë në histori të klubit.
Presioni vetëm po rritet për Messin në vikend, me Inter Miamin që po tenton që të largohet nga vendi i fundit në renditjen e MLS, dhe të tentojë një vend për playoff, duke parë që sezoni po shkon drejt fundit, pasi përfundon në tetor.