Është arrestuar Ridvan Muharremi, i dyshuar për keqpërdorime të rezervave shtetërore të Kosovës.
Arrestimi i tij është bërë pas bastisjes se banesës se tij dhe restorantit të tij.
Ndryshe pak orë më parë, Mahmut Halimi, avokati i Ridvan Muharremit të cilit në, ka thënë sa klienti i tij është i pafajshëm.
Në një deklaratë para mediave, Halimi ka thënë se “ka prova të mjaftueshme për pafajësinë e klientit të tij” duke shtuar se nuk ka ndonjë fletarrest për të.
“Kemi prova te mjaftueshme për pafajsinë e klientit tim. Do të njoftohet opinioni për të gjitha, është i lirë, nuk ka fletarrest për të. Do të ftohet në polici se kemi kërkuar që të ftohet nga organet e drejtësisë. Ai ka qenë brenda në banesë gjatë kohës së bastisjes”, ka thënë Halimi.
Nga mëngjesi i sotëm Policia e Kosovës ka zhvilluar një aksion të bastisje edhe në Ministrinë e Industrisë Ndermarrësisë dhe Tregtisë, ky janë arrestuar dy zyrtarë të saj./gazetasinjali