Këngëtarja Britney Spears dhe bashkëshorti i saj, Sam Asghari, thuhet se janë ndarë pas pak më shumë se një viti martesë.
“Ata janë të ndarë dhe kjo është më e mira për Britneyn”, tha një burim i NBC News në një mesazh me tekst për transmetuesin – rrjeti partner i Sky News në SHBA.
Asghari ka bërë kërkesë për divorc, sipas një burimi të dytë, i cili tha se ai ishte larguar nga shtëpia që çifti ndante dhe po jeton në shtëpinë e tij.
Spears postoi një foto të saj në Instagram duke hipur mbi një kalë në plazh të mërkurën, pasi disa media amerikane raportuan se marrëdhënia po merrte fund.
Spears dhe Asghari u martuan në një ceremoni të mbushur me fytyra publike në shtëpinë e këngëtares në Los Anxhelos në qershor 2022, transmeton KK. Spears kishte qenë më parë e martuar me Kevin Federline, me të cilin ka dy djem adoleshentë, Sean dhe Jayden.
Ajo ishte gjithashtu e martuar me Jason Alexander në vitin 2004, por martesa u anulua pas vetëm 55 orësh.