Niveli i inflacionit në Britani të madhe ka pësuar rënie gjatë korrikut shkaku i çmimeve të ulura të energjisë kanë thënë zyrtarët atje të mërkurën, transmeton Gazeta Metro.
Zyra për Statistika Nacionale ka thënë se niveli i inflacionit në indeksin e çmimeve për konsumatorët ishte 6.8% në korrik i cili është niveli më i ulët që nga shkurti i 2022 kur filloi lufta në Ukrainë.
Kjo shifër është rënie krahasuar me 7.9% sa ishte në qershor, shifra këto të përputhshme me parashikimet e ekonomistëve, raporton The Associated Press.
Agjencia e statistikave ka thënë se rënia vjen si pasojë e çmimeve më të ulëta të energjisë krahasuar me vitin e kaluar megjithatë produktet ushqimore kanë pësuar rënie më të lehtë.