Kryeministrja e Italisë, Giorgia Meloni mbërriti pasditen e sotme në Vlorë me tragetin e linjës Brindisi-Vlorë, aty ku u prit nga vetë kryeministri i Shqipërisë, Edi Rama.
Pas mbërritjes në tokën shqiptare, kryeministrja italiane aktualisht është takuar me Ramën, ku janë takuar tek vilat qeveritare në qytetin bregdetar të Vlorës.
Kryeministrja Meloni ndërpreu pushimet e saj në një fermë pranë Ceglie Messapica në Puglia, ndërsa shoqërohet nga familja e saj për një vizitë në bregdetin e Vlorës, duke pranuar ftesën e kryeministrit të Shqipërisë Edi Rama.
Sipas burimeve së bashku me kryeministren është edhe bashkëshorti i saj Andrea Giambruno dhe vajza e saj Ginevra.
Sipas “Corriere della Sera” në agjendën e saj është edhe një vizitë në shtëpinë e Ramës, ndërsa ende nuk dihet se sa do të zgjasin pushimet në tokën shqiptare.
Prej muajsh Shqipëria po përballet me bum turistësh nga e gjithë bota, përfshi edhe italianët.