Një numër i madh i vizitorëve të rinj mbrëmjen e djeshme në Parkun e Qytetit u argëtuan dhe shijuan manifestimin argëtues kulturor me rastin e Ditës Ndërkombëtare të Rinisë.
Manifestimi u organizua nga Qyteti i Shkupit, në bashkëpunim me Qendren Kulturore Rinore dhe Kinotekën e Republikës së Maqedonisë së Veriut, ku manifestini filloi me shfaqjen në natyrë të filmit “Motrat” e regjisores Dina Duma, më pas me një festë muzikore për të rinjtë me interpretimin e DJ Marigo dhe Zoki Bejbe.
Nga Qyteti i Shkupit thonë se ky event në natyrë në Parkun e Qytetit do të vazhdojë të organizohet çdo të shtunë deri në mes të shtatorit, ku vizitorët mund të shoqërohen dhe të shijojnë një program argëtues kulturor.
