Ka përfunduar rikonstruksioni i një pjese të bulevardit ASNOM në Novo Lisiçe, gjegjësisht nga bulevardi Serbia deri te Shtëpia e Futbollit, njoftoi sot Qyteti i Shkupit pasi kryetarja Danela Arsovska e inspektoi këtë projekt.
“Bëhet fjalë për një projekt që rikonstrukton plotësisht rrugën me sipërfaqe totale 9750 m2 dhe gjatësi 1100 metra, me bordurë dhe trotuare si dhe është kryer edhe nivelimi i pusetave dhe ulluqeve”, thonë nga Qyteti i Shkupi.
Nga aty shtojnë se me rikonstruksionin bëhet e mundur rritja e sigurisë dhe mbrojtjes së pjesëmarrësve në komunikacion dhe me këtë projekt janë rregulluar plotësisht sipërfaqet e gjelbra përgjatë bulevardit me një sipërfaqe totale prej 27 mijë metrash katrorë.
Në sipërfaqen e re të gjelbëruar, janë vendosur peizazhe të përshtatshme, fidane, belveder dhe një rrjet i ri hidrant për ujitjen e lëndinave.
