WhatsApp vazhdon të prezantojë veçori të reja në aplikacionin e tij dhe tani ka ardhur një tjetër e dobishme dhe praktike.
Shefi ekzekutiv i Meta, i cili zotëron WhatsApp, Mark Zuckerberg, njoftoi mbështetjen për ndarjen e ekranit gjatë telefonatave video. Emri i këtij opsioni flet vetë dhe ai mund të përdoret për të ndarë dokumente, foto ose çfarëdo që është në ekranin e pajisjes.
Ky funksion ka qenë në zhvillim për disa muaj dhe u bë i disponueshëm për testuesit beta në maj. Mund të aksesohet duke zgjedhur ikonën Share, dhe më pas është e nevojshme të zgjidhni nëse përdoruesi dëshiron të ndajë pamjen e një aplikacioni specifik ose të gjithë ekranin.
Nëse kjo tingëllon e njohur, ndoshta është sepse Zoom dhe Google Meet kanë veçori të ngjashme të ndarjes së ekranit.
Në këtë mënyrë, WhatsApp mund të dëshirojë të hyjë në territorin e biznesit të aplikacioneve të përmendura, por funksioni i ri patjetër do t’ju vijë në ndihmë. Për shembull, mund të ndihmojë një përdorues më me përvojë në distancë të ndihmojë një person tjetër me një problem teknik, etj.
Duhet thënë se funksioni i ri po arrin dalëngadalë tek të gjithë përdoruesit, ndaj disa prej tyre ende nuk e kanë marrë atë.
Përveç ndarjes së ekranit, WhatsApp mundëson gjithashtu modalitetin e peizazhit për thirrjet video./alsat.mk