Ndërmarrja publike për rrugë shtetërore njofton opinionin se përkohësisht do të ndërpriten aktivitetet ndërtimore në tunelin në rrugën shtetërore A4, në pjesën Shkup – Bllacë. Ato do të vazhdojnë nga shtatori.
Pezullimi i punimeve në këtë seksion do të bëhet për shkak të rritjes së fluksit të trafikut në muajin gusht, me qëllim shmangien e bllokimeve dhe janë në drejtim të rritjes së sigurisë së përdoruesve të rrugës që përdorin këtë segment. Kontraktuesi i punimeve, Granit-Shkup, do të ndërpresë përkohësisht aktivitetet ndërtimore për rehabilitimin e tunelit, gjatë të cilit qarkullimi do të vazhdojë normalisht, e jo me regjim të veçantë, të paralajmëruar nga Ndërmarrja Publike për Rrugë Shtetërore.
Punimet në këtë pjesë të rrugës shtetërore do të vazhdojnë në fillim të shtatorit.