Ekspertët e Wi-Fi-së kanë treguar disa prej materialeve që ndikojnë në zvogëlimin e shpejtësisë së internetit, shkruan ‘The Sun”.
Në tentim për të ndihmuar përdoruesit që të përfitojnë maksimalisht nga lidhja e rrjetit pa kabllo.
Në mesin e materialeve janë metalet, muret e betonit, por edhe dritaret.
Nuk është befasuese që objektet metalike mund të pengojnë në shërbimin tuaj Wi-Fi. Kjo është për faktin se metali është material i rëndë për t’u depërtuar përmes tij. Çdo gjë metalike, si dera, muret apo infrastruktura e ndërtesës, mund të reduktojë fuqinë e Wi-Fi.
Kështu që duhet evituar vendosja e Wi-Fi në afërsi të objekteve të metalta.
Muri i betonit është shumë i trashë dhe i dendur, e bëhet e vështirë kështu që të depërtojë sinjali i Wi-Fi.
Nëse shtëpia e juaj është e mbushur me mure betoni, atëherë duhet të vendosni përforcues të Wi-Fi në dhoma të caktuara.
Pllakat e qeramikës po ashtu janë një tjetër material i zakonshëm që gjendet në shtëpi e që mund të prishë Wi-Fi tuaj. Kjo pasi pllakat shpesh kombinohen me mur të thatë.
Po ashtu materiale tjera janë dritaret, pasqyrat e për befasi është edhe uji. Mund të duket befasuese por objektet që përmbajnë ujë mund të zvogëlojnë forcën e Wi-Fi.
Ndër to janë akuariumet.
Po ashtu edhe orenditë e mëdha mund të dobësojnë Wi-Fi, ndërsa ndikojnë në dobësinë e rrjetit pa ka kabllo edhe pajisjet e kuzhinës si mikrovalët, enëlarëset e madje edhe televizori.