Policia e Kosovës e ka konfirmuar rastin e përleshjes dhe shtënieve me armë zjarri tek lokali “Bon Vivant” në Prishtinë.
Rasti e ka konfirmuar për Arbresh.info, zëdhënësi i policisë, Agron Borovci, i cili ka thënë se rasti ka ndodhur dje në ora 23:30.
Ai thotë se menjëherë pas marrjes së informatës, Policia është dalë në vendin e ngjarjes bashkë me emergjencën.
“Policia menjëherë ka dalë në vendin e ngjarjes dhe nga informacionet e para dyshohet se disa persona kanë marrë plagë nga arma e zjarrit apo edhe nga fragmente qelqi”, tha Borovci.
Kjo përleshje ka edhe në të lënduar, Borovci bëri të ditur se janë dërguar për trajtime mjekësore, ndërsa policia po merret me zbardhjen e rastit.
“Aktualisht së paku dy të dyshuar janë identifikuar si të implikuar në rast, përderisa po punohet edhe për identifikimin e të dyshuarve të tjerë të mundshëm”, tha Borovci./Arbresh.info/