Manchester City është duke kompletuar transferimin e qendërmbrojtësit kroat Josko Gvardiol.
Qendërmbrojtësi kroat do të bëhet mbrojtësi më i shtrenjtë në histori të futbollit, pasi City do të paguaj 90 milionë euro për transferimin e tij.
Gvardiol po kryen testet mjekësore dhe do t’i bashkohet kampionëve në fuqi të Anglisë nga RB Leipzig për një shumë rekorde.
E transferimin e tij te City e ka konfirmuar edhe trajneri spanjoll Pep Guardiola.
Pep ka thënë se Gvardiol ka një mbiemër të bukur, teksa është deklaruar se t’i ketë gjashtë qendërmbrojtës në skuadër nuk është shumë.
“Gvardiol po bën testet mjekësore dhe shpresojmë ta mbyllim shpejt, orët ose ditët në vazhdim. Sa mbiemër të bukur që ka”.
“Nuk mendoj se janë shumë gjashtë qendërmbrojtës, pasi kampionati është shumë i gjatë dhe kemi shumë ndeshje në dispozicion”, u shpreh trajner spanjoll.
Orët ose ditët e ardhshme pritet të jenë vendimtare kur Gvardiol do të zyrtarizohet si lojtar i ri i Man Cityt. /Telegrafi/