Banorët e Sllupçanit dhe përfaqësuesit e EVN-së kanë pasur takim sot, ndërsa takim i ri është caktuar për nesër. Si kompania ashtu edhe përfaqësuesit e banorëve vlerësuan se takimi u zhvillua në një atmosferë pozitive që do të kontribuojë në zgjidhjen e plotë të problemit të energjisë elektrike në këtë fshat.
Sot përfaqësuesit e EVN-së janë takuar me përfaqësuesit e fshatit Sllupçan. Bisedimet u zhvilluan në një drejtim pozitiv. Një takim tjetër mbetet të mbahet nesër, tha EVN.
Zekiria Shaini, këshilltare në komunën e Likovës, tha se takimi ka kaluar në një atmosferë pozitive dhe se detajet teknike mbeten për t’u dakorduar.
“Takimi ka kaluar në një atmosferë pozitive, marrëveshja duhet të aranzhohet teknikisht”, tha Shaini.
Pas disa ditësh bllokada nga banorët e Sllupçanit në dy raste në fillim dhe në fund të korrikut, kompania dhe banorët kanë lidhur marrëveshje më 27 korrik të këtij viti. Banorët kanë disa kërkesa, ndër to një kërkesë për të mos paguar faturat e larta të energjisë elektrike. Sipas informacioneve të fundit, EVN duhet të fillojë me rindërtimin e rrjetit më 9 gusht të këtij viti.