Për herë të parë në histori, Kina përdori juanin më shumë se dollarin amerikan në tregtinë me kompanitë e huaja.
Në tremujorin e dytë të këtij viti, Kina ka kryer më shumë transaksione tregtare me vendet e huaja në monedhën e saj vendase.
Në korrik, kompanitë dhe organizatat nga vendi më i populluar në botë bënë 49 për qind të transaksioneve të biznesit me vendet e huaja në juan. Kjo është rreth gjashtë mijë miliardë dollarë amerikanë.
Një pjesë e mirë e transaksioneve në juanë shkon për tregti me Rusinë, më pas Brazilin dhe Pakistanin, dhe pjesërisht edhe Arabinë Saudite dhe vende të tjera të Gjirit Persik. Megjithatë, ekspertët besojnë se pjesa e juanit në tregtinë botërore është ende e vogël dhe arrin në më pak se tre për qind.
Nga ana tjetër, dollari amerikan është monedha më e përfaqësuar me rreth 42 për qind, ndërsa para juanit janë edhe euro, paundi britanik dhe jeni japonez.
Megjithëse dollari është përpara juanit, Guvernatori i Floridës, Ron DeSantis, i cili po konkurron të bëhet kandidati republikan për president të SHBA-së, e sheh Kinën si një armik ekonomik.