Të paktën katër pjesëtarë të personelit të sigurisë u vranë nga përleshjet në një kompleks policie në qytetin El Arish në Gadishullin Sinai të Egjiptit, thanë të hënën dy burime të sigurisë.
Përleshjet shpërthyen të dielën kur një grup të burgosurish kapën armë brenda kompleksit të Sigurisë Qendrore të El Arish në veri të Sinait dhe sulmuan forcat e vendosura atje, thanë burimet, të cilët folën në kushte anonimiteti.
Katër të vdekurit përfshinin një kolonel policie, thanë ata. Gjashtë persona u plagosën gjithashtu.
Ministria e Brendshme nuk dha asnjë deklaratë për incidentin në fjalë.
Forcat egjiptiane të sigurisë luftuan kundër kryengritjeve të militantëve islamikë në veri të Sinait për vite me radhë dhe së fundmi kanë zgjeruar kontrollin e tyre mbi zonën bregdetare, e cila kalon midis kufirit me Rripin e Gazës dhe skajit verior të Kanalit të Suezit.
Sinai verior pati sulme të herëpashershme, ushtria dhe policia kanë një prani të madhe, shkruan Reuters./alsat.mk