Në periudhën prill-qershor, të ardhurat e Pfizer u përgjysmuan nga e njëjta periudhë e vitit të kaluar, duke rënë në 12.73 miliardë dollarë.
Gjigandi farmaceutik amerikan regjistroi një rënie të mprehtë të të ardhurave totale nga shitja e vaksinës kundër koronavirusit Comirnaty, me 83 për qind, në 1.49 miliardë dollarë. Të ardhurat totale nga shitjet e Paxlovid ranë në 143 milionë dollarë, nga 8.1 miliardë dollarë në tremujorin e dytë të 2022.
Pfizer e mbylli tremujorin me një fitim neto prej 2.33 miliardë dollarësh. Në të njëjtën periudhë të vitit të kaluar, ajo arriti në 9.91 miliardë dollarë.
Fitimi i rregulluar ishte 3.84 miliardë dollarë, nga 11.66 miliardë dollarë vitin e kaluar. Kompania shkurtoi shpenzimet për programet për parandalimin dhe trajtimin e Covid-19, gjë që u reflektua në një rënie prej 5 për qind në investimet në kërkim dhe zhvillim.
“Pavarësisht disa sfidave afatshkurtra që lidhen me të ardhurat e produkteve individuale, ne besojmë se kompania është e pozicionuar mirë për rritjen e përshpejtuar të produkteve jo-koronavirus në gjysmën e dytë të 2023,” tha shefi financiar David Denton.