Numri i madh i aksidenteve në trafik po vazhdon të jetë shqetësues. Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik, raporton Gazeta Sinjali.
Një aksident i rëndë ka ndodhur mbrëmjen e sontme rreth orës 21:40 në fshatin Dobrushë të Istogut.
Rastin e ka konfirmuar Fadil Gashi, zëdhënës i Policisë për rajonin e Pejës.
“Në aksident janë të përfshira dy automjete dhe një traktor bujqësor. Një person ka mbetur i vdekur dhe nëntë të tjerë janë lënduar”, tha Gashi.
“Vdekjen e ka konstatuar mjeku në Spitalin Rajonal të Pejës”, tha ai.
Gashi theksoi se policia janë në vendin e ngjarjes.
/gazetasinjali