Numri i madh i aksidenteve në trafik po vazhdon të jetë shqetësues. Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik, raporton Gazeta Sinjali.
Një i tillë ka ndodhur sot në Vraniq-Bukosh të Suharekës, ku dy persona kanë mbetur të lënduar.
Lajmin e ka konfirmuar zëdhënës i Policisë së Kosovës për rajonin e Prizrenit, Vesel Gashi i cili tha se si pasojë e aksidentit kanë mbetur dy të lënduar, të cilët kanë marrë trajtimet mjekësore.
”Aksidenti ka ndodhur në ora 18:55 në rrugën Vraniq-Bukosh. Në këtë aksident janë të përfshira dy automjete, njëra me targa vendore tjetra me targa të huaj. Kemi të lënduar dy të lënduar, pas trajtimit mjekësor në Qendrën e Mjekësisë në Suharekë, njëri prej tyre është dërguar në Spitalin e Përgjithshëm të Prizrenit. Me këtë rast është duke u marrë njësiti rajonal që po merret me hetimin e shkaqeve të këtij aksidenti”, tha ai.
Pamje nga aksidenti:
/gazetasinjali