Një çift është arrestuar në Bengalin Perëndimor, i cili shiti djalin e tyre 8 muajsh për të blerë një iPhone 14 për krijimin e “Instagram Reels” teksa udhëtonin në të gjithë shtetin.
Ngjarja ra në sy kur fqinjët e çiftit, Jaydev dhe Sathi Ghosh, dyshuan në lidhje me mungesën e foshnjës 8 muajshe, e cila ishte zhdukur prej disa kohësh, përcjell portal rtv21.tv
Ajo që thelloi më tej dyshimin tek fqinjët ishte posedimi i një iPhone 14 , pasi ata kishin të ardhura të pakta dhe gjithashtu kishin kaluar krizë financiare në të kaluarën.
Pas kësaj, fqinjët e shqetësuar iu drejtuan këshilltarit lokal të Kongresit të Trinamool, Tarak Guha, i cili nga ana e tij i kërkoi policisë të hetonte.
Nga deklarata e këshilltares doli gjithashtu se çifti më herët kishte tentuar të shesë vajzën e tyre 7-vjeçare.
Pas marrjes në pyetje, nëna thuhet se ka rrëfyer se e kishte shitur fëmijën e saj për një iPhone.
Krahas çiftit, policia ka arrestuar një grua tjetër, Priyanka Ghosh, e cila dyshohet se ka blerë foshnjën.
Është raportuar se Priyanka u dërgua në stacionin e policisë Khardah. Ajo ende nuk ka dhënë detaje.
Policia ka bërë kallëzim ndaj çiftit.
Gruaja që bleu fëmijën e tyre 8 muajsh është akuzuar edhe për trafikim qeniesh njerëzore./21Media