Dy persona janë lënduar dje në Tetovë pasi vetura e llojit “BMW”, me të cilën qarkullonin, u përmbys. Ngjarja ka ndodhur rreth orës 19 në bulevardin “Marshall Tito”.
“Në Tetovë, në afërsi të Shtëpisë së Kulturës, një veturë ‘BMV’ me targa të Tetovës e drejtuar nga personi L.Sh. (18) nga fshati Llacë, kishte humbur kontrollin ndaj veturës dhe ishte përmbysur. Sipas informacioneve të para në aksident lëndime të rënda (fraktura në gishtat e dorës) ka marrë bashkëudhëtari V.I. (26) nga fshati i njëjtë, përderisa shoferi L.Sh. ka kaluar me lëndime në trup të konstatuara në Spitalin Klinik Tetovë”, informoi SPB Tetovë.