Shkup, 27 korrik – Zëvendësdrejtori i Drejtorisë së Doganave, Muharrem Asani së bashku me drejtorin gjeneral Stefan Bogoev, sot ishin në vendkalimin kufitar Qafë Thanë ku së bashku me drejtorin e Drejtorisë së doganave të Shqipërisë, nënshkruan Protokolin e fundit për zbatimin e Marrëveshjes për vendosjen e një vendkalimi kufitar mes dy vendeve.
“Me nënshkrimin e Protokolit, përfundojnë edhe përgatitjet përfundimtare për vendosjen e One-Stop-Shop në këtë vendkalim kufitar, me qëllim zbatimin më efikas dhe më të lehtë të formaliteteve kufitare, pritje më të shkurtër në kufi, gjegjësisht shërbime më të mira për operatorët ekonomik dhe udhëtarët”, thuhet në njoftimin e Doganave të Maqedonisë./koha