Shkup, 25 korrik – Prej nesër pritet ndryshim i motit. Siç paralajmëron DPHM, në pjesën më të madhe të vendit do të jetë shumë nxehtë, do të fryjë erë e fuqishme jugperëndimore, në shumë vende edhe mbi 60 kilometra në orë. Pastaj, në fund të ditës, për shkak të paraqitjes së masës më të ftohtë ajrore nga veriu, do të fillojë të fryjë erë e fuqishme, përkohësisht e përforcuar veriore. Do të ketë edhe kushte për paraqitje të izoluar të paqëndrueshmërisë me shi të rrëmbyeshëm, bubullima, erë të përforcuar dhe breshër.
Sipas DPHM-së, era e fuqishme veriore do të vazhdojë të fryjë edhe të enjten kur pritet dukshëm të ulet temperatura e ditës, për rreth dhjetë gradë. Do të ketë kushte edhe për shi të lehtë lokal.
Pastaj moti do të jetë kryesisht i qëndrueshëm me temperatura më të ulëta të mëngjesit, ndërsa ato të ditës do të rriten gradualisht./zhurnal